Fokus është një aktivitet Ndërkombëtar kushtuar Fotografisë Artistike dhe vlerave që ajo përcjellë në fushën e madhe të arteve pamore. Për bazë kemi pasur traditën e Fotografisë Shqiptare, por gjithmonë duke ndjekur edhe eksperiencat ndërkombëtare.
Gjithashtu, kemi tentuar në rritjen e cilësisë, konkurencës, si dhe nxitjes së një dialogu pozitiv mbi fotografinë, bazuar mbi eksperiancën e shkollave të ndryshme të artit anembanë botës. Me një fillim modest, që në vitin 2006, nga një grup entuziastësh që fotografinë e kanë pasion, arritëm që Fokusin ta ngrejmë në një nivel të lartë artistik, jo vetëm në Ballkan, por edhe më gjerë.
Këtë më së miri e dëshmon pjesëmarrja e shumë fotografëve nga mbarë bota. Roli i organizatorëve çdoherë ka qenë, dhe do të mbetet, vetëm mbledhja e fotografive dhe paraqitja e tyre para një jurie ndërkombëtare, e cila pastaj do të vendosë për vlerësimin e tyre